Syngjande pub
I samarbeid med den einaste puben i Vaksdal Kommune, Smia Pub, arrangerte Syngjande Vaksdal Syngjande Pub i januar 2020. Dette var det veldig kjekt å organisere og gjennomføre, og det var veldig populært.
For å gjere det lett projiserte me tekstane på lerret. Det var lurt å markere kor det var mellomspel og liknande, slik at det var trygt å syngje med.
Folket kom og folket song
På dei første songane var gjestane litt reserverte, men etter kvart song dei av full hals. Det kan vere lurt å starte med eit par songar der ein kun syng med på refrenget.
Ordførar som gjestevokalist
Dei hadde éin fast forsongar og ordførar som gjestevokalist, éin fast akkompagnatør og gjesteinnslag med bibliotekssjefen. Den faste forsongaren jobba til vanleg i kommunen si innbyggarservice, men er ein dyktig og allsidig vokalist. Sidan ho er innflyttar i kommunen kjende ikkje så mange til denne sida hennar. Akkompagnementsoppgåva tok kulturskulerektor/fungerande leiar for syngjande Vaksdal, og elektrisk gjestegitarist jobbar som musikklærar i grunnskulen.
Finansiering og organisering
Syngjande Pub var eit ganske billeg tiltak. Det vart betalt ut litt honorar, men der det passa best tok enkelte det som ei del av stillinga. Det var kulturskulerektor som organiserte, og songrepertoar valde han ut saman med forsongaren, basert på hennar repertoar og kvalifisert gjetting av publikumsappell.
Kontaktperson
Sindre Sortland, kulturskulerektor og leiar av songutvalet
sindre.sortland@vaksdal.kommune.no
453 76 379